താനൂരിൽ വൻ കഞ്ചാവ് വേട്ട; തിരൂർ സ്വദേശി ഉൾപ്പെടെ രണ്ട് പേർ പിടിയിൽ

താനൂർ: ട്രെയിൻ മാർഗം വിൽപ്പനക്ക് എത്തിച്ച കഞ്ചാവുമായി രണ്ട് പേർ പോലീസിൻ്റെ പിടിയിൽ ഇന്ന് രാവിലെ താനൂർ റയിൽവേ സ്റ്റേഷനിൽ നിന്നാണ് കഞ്ചാവുമായി സംഘത്തെ പിടികൂടിയത് ഒരാൾ ഓടി രക്ഷപ്പെട്ടു.

ഇന്ന് രാവിലെ ചെന്നൈ മെയിലിൽ താനൂരിലേക്ക് വിൽപ്പനക്ക് എത്തിച്ച 6കിലോയോളം കഞ്ചാവുമായാണ് 2 പേരെ പിടികൂടിയത് വെസ്റ്റ് ബംഗാൾ സ്വദേശി സോമൻ സാന്ദ്രാ, വക്കാട് സ്വദേശി ഫഹദ് എന്നിവരാണ് പിടിയിലായത്. ഫഹദിനൊപ്പം കഞ്ചാവ് വാങ്ങാൻ എത്തിയ ആൾ ഓടി രക്ഷപ്പെട്ടു. സോമൻ സാന്ദ്രായാണ് ട്രെയിൻ മാർഗം കഞ്ചാവ് എത്തിച്ചത്. ഓടി രക്ഷപ്പെട്ടയാൾക്കായി അന്വേഷണം ആരംഭിച്ചു.

പിടികൂടിയ കഞ്ചാവ് പരപ്പനങ്ങാടി ഇൻസ്പെക്ടർ ജിനേഷിൻ്റെ സാനിധ്യത്തിലാണ് നടപടിക്രമങ്ങൾ പൂർത്തിയാക്കിയത്. ജില്ലാ പോലീസ് മേധാവി സുജിത്ത് ദാസിന് ലഭിച്ച രഹസ്യ വിവരത്തെ തുടർന്ന് താനൂർ ഡിവൈഎസ്പി ബെന്നി, എസ് ഐ കൃഷ്ണലാൽ എന്നിവരുടെ നേതൃത്വത്തിൽ സിവിൽ പോലീസ് ഓഫീസർമാരായ സുജിത്ത്, ലിബിൻ, രതീഷ് ഡാൻസാഫ് അംഗങ്ങളായ ജിനേഷ്, സബറുദ്ധീൻ, അഭിമന്യു, ആൽബിൻ, വിബിൻ എന്നിവരും പോലീസ് സംഘത്തിൽ ഉണ്ടായിരുന്നു.