ചങ്ങരംകുളം: പന്താവൂരിൽ സ്കൂട്ടറിൽ വാനിടിച്ച് അധ്യാപികമാർക്ക് പരിക്കേറ്റു. ബുധനാഴ്ച രാവിലെ 9 മണിയോടെയാണ് അപകടം. പന്താവൂർ ഇർഷാദ് സ്കൂളിലെ അധ്യാപകരായ പ്രീത, രഷ്മി എന്നിവർക്കാണ് പരിക്കേറ്റത്. ഇവരെ സഹപ്രവർത്തകർ ചേർന്ന് ചങ്ങരംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. സ്കൂട്ടർ സ്കൂളിലേക്ക് തിരിയാൻ ശ്രമിക്കുന്നതിടെയാണ് പുറകെയെത്തിയ വാൻ സ്കൂട്ടറിൽ ഇടിച്ചത്.
