കല്‍പറ്റ: അഞ്ചു ദിവസം മുന്‍പ് കാണാതായ ഭര്‍തൃമതിയായ യുവതിയെയും രണ്ടു മക്കളേയും ഇതുവരെ കണ്ടെത്തിയില്ല. വെള്ളമുണ്ട തരുവണ കണിയാങ്കണ്ടി മഅറൂഫിന്റെ ഭാര്യ സൈഫുന്നിസ(25)യെ ചൊവ്വാഴ്ച മുതലാണ് കാണാതായത്. ആറും നാലും വയസ് പ്രായമുള്ള കുട്ടികളോടൊപ്പമാണ് യുവതി വീട്ടില്‍ നിന്നിറങ്ങിയത്. ഭര്‍ത്താവ് മഅ്‌റൂഫ് വിദേശത്താണ്. ചൊവ്വാഴ്ച രാവിലെ വീട്ടില്‍ നിന്നും അത്യാവശ്യകാര്യത്തിനെന്ന് പറഞ്ഞ് പുറത്തേക്ക് പോയ യുവതി പിന്നീട് തിരിച്ചെത്തിയില്ല. കൈയിലുണ്ടായിരുന്ന മൊബൈല്‍ ഫോണ്‍ സ്വിച്ച് ഓഫ് ചെയ്ത നിലയിലാണ്.
യുവതിയുടെ പിതാവ് വെള്ളമുണ്ട പോലിസില്‍ നല്‍കിയ പരാതി തുടർന്ന് കേസെടുത്ത് അന്വേഷണം നടത്തി വരികയാണ്. അതിനിടെ, ഭാര്യയും മക്കളുമുള്ള പടിഞ്ഞാറെത്തറ സ്വദേശിക്കൊപ്പം ഇറങ്ങിപ്പോയതാണെന്ന സൂചനകളുണ്ട്. ഭര്‍ത്താവ് അയക്കുന്ന പണത്തിൽനിന് വന്‍ തുക യുവതി അക്കൗണ്ടില്‍ നിന്ന് പിന്‍വലിച്ചതായും പോലിസ് സംശയിക്കുന്നു.
